ألفية / فـهـد حـمـد الـفـهـد الـعـبـيـد البقعاوي

الموضوع في 'شعراء حائل نت' بواسطة قصيد بقعاء, بتاريخ ‏21 ديسمبر 2017.

مشاركة هذه الصفحة

  1. قصيد بقعاء

    قصيد بقعاء عضو جديد

    إنضم إلينا في:
    ‏16 ديسمبر 2017
    المشاركات:
    1
    الإعجابات المتلقاة:
    0
    ألـفـيـه / فـهـد حـمـد الـفـهـد الـعـبـيـد البقعاوي

    ألف / أليفي بالمحبه تغلا
    قفى وخلا الدمع مني يهلا


    أبكي على فرقاه وحالي بحلا
    ومن عقبها عيني قزت من منامه


    البا / بقلبي جرح ماله طبيبي
    والجرح طبه عند خلي حبيبي


    الصاحب اللي عذبن بالمغيبي
    من عقبها عظيت كف الندامه


    التا / ترى حالي بعدها خطيره
    أصبحت مثل اللي طريح ابسريره


    الجرح في قلبي ورجلي كسيره
    وحتى الدكاتر مالقو لي سلامه


    الثا / ثبت حبك بقلب تعنا
    من عرفتك مافيه يوم تهنا


    حبك بقلبي باقي غصب عنا
    وان طول اغيابك تراني بظلامه


    الجيم / جرح القلب ماله مداوي
    وكل الدكاتر قالو اليوم هاوي


    جرحك صويب صاير به بلاوي
    انته عليل بادي بك علامه


    الحا / حرمنا الله وباقي العناء لي
    ظاقت على بقعاء وكل السهالي


    واليوم كني وسط سجن لحالي
    جسمي نحل ماباقي الا عظامه


    الخا / خطف روحي وروحي فداله
    والله مادور حبيب بداله


    روحي بكفه من يمين وشماله
    مارضى حبيب غيرها النفس شامه


    الدال / دام القلب عنده أمانه
    ولدري متى يرجع على الأمانه


    قولو لها ضاع الولد في زمانه
    فكره وقلبه ما بقا به زعامه


    الذا / ذرت في وجهي كل السوافي
    وكل الهبايب قطعت كل صافي


    ومن شاف حالي قال حال الهوافي
    مسكين من مثلي حياته عدامه


    الرا / رماني صاحبي رميتيني
    رماني وسط القلب اوحده بعيني


    ومن رميته عايش وحيد حزيني
    وش جاه يرميني ويرسل سهامه


    الزا / زرع حبه بقلبي وقفا
    قفا وزرع القلب بالهم كفا


    زرع المحبه في ضميري يجفا
    عطشان زرعي ينتظر من وسامه


    السين / سيد الروح سيد الحبايب
    وش جاه يجمع لي جميع الحطايب


    يوقد على ناره وزود لهايب
    وحالي قضت ما باقي الا عظامه


    الشين / شفي بشافي الجرح خلي
    يشفي جروح بالظماير تحلي


    شفي بها لو شوفت في محلي
    أغدي اهموم القلب تسلى بسلامه


    الصاد / صبري ماني قاوي وقادر
    صبرت صبر ما صبر صبري صابر


    صبرت لين الصبر جاب المخاطر
    الصبر عيا القلب ايطاوع أمامه


    الضا / ضمت كبدي من الحب لوعه
    عطشانت كبدي وقلبي بطوعه


    وهموم قلبي جربت كل نوعه
    من العام وقلبي صابر في ملامه


    الطا / طواني الهم واليأس ياناس
    واصبحت في هم وغم ووسواس


    وعقب المصايب صار حظي بالأفلاس
    حظي تعثر وانحرق في حطامه


    الظا / ظلام الليل خيم سواده
    ونور القمر خمسة عشر ماأفاده


    وحتى نهاري صار ظلما وأباده
    وهذى حياتي كل حزن مرامه


    العين / عيت عيني عن لذة النوم
    عيت عيوني تقبل النوم ياقوم


    أوجس بوسط العين شوك ومسموم
    وهذى حياتي شاقيه في ملامه


    الغاء / غرقت ابحر حب الحبيبه
    بحر غويط يغرق اللي يجيبه


    والحب دايم يذبح اللي يصيبه
    ومنه وقع بالحب صابه ظيامه


    الفا / فديته في حياتي وروحي
    وسكنتها بالقلب وقامت تنوحي


    ورسمتها بالعين ولاهي نصوحي
    قامت تعذبني وترسل اسهامه


    القا / قلوب العاشقين ابدواهي
    لو تنصحونه ماتعرف النواهي


    قلبي يحبه لو تقولون ساهي
    خلي دواء قلبي وكبدي طعامه


    الكاف / كل راح يدور طريقه
    والله ماني واقف له وأعيقه


    عساه تلقاء من يحبه يطيقه
    الله يسهل له طريق السلامه


    اللام / لاموني بحبه كثيرين
    دلو يعذلوني وقالو خبيرين


    الحب مايصفى وقبلك ملايين
    ماحد تهنا لو حياته كرامه


    الميم / مدري وش نواياه تنوي
    أكيد عرفت من بدالي متعلوي


    تلقا على كيفه بيمناه تلوي
    هذى البنات اللي وراهن شهامه


    النون / نكتب من كلامي قصيدي
    أغديه يروح اللي بقلبي بعيدي


    نبعد سملها ونأخذ اللي جديدي
    ونمشي بدرب العز ينور ظلامه


    الها / هني اللي يشوف ابنظرها
    ويسعد طوال الوقت يترك سهرها


    ويسعد بتال العمر يقطف ثمرها
    ويعيش عيشه صافيه من غمامه


    الواو / وادعنا وراحت بلاوي
    وارتاح قلبي عقب ماهو شقاوي


    وطابت اجروح القلب عند المداوي
    وخلصت من الحب مابي تمامه


    اليا / ياربي تغفر الذنب كله
    تغفر ذنوب اللي حياته مذله


    تغفر لمنه في طريق المزله
    سبحان من يجمع عظام حطامه
     
  2. عارف السلمان

    عارف السلمان ابـو عــبدالعـــزيــز إدارة المنتدى

    إنضم إلينا في:
    ‏18 فبراير 2006
    المشاركات:
    10,390
    الإعجابات المتلقاة:
    55
    صح لسان الشاعر ومشكور على النقل
     
  3. برق ورعد

    برق ورعد عضو بارز

    إنضم إلينا في:
    ‏7 نوفمبر 2015
    المشاركات:
    101
    الإعجابات المتلقاة:
    0
    صح لسان الكاتب والناقل
     

مشاركة هذه الصفحة