الوان + تنسيق = ديكور أنيق

الموضوع في 'منتدى الديكور المنزلي والأشغال اليدوية' بواسطة احساس يتيمه, بتاريخ ‏17 أكتوبر 2009.

مشاركة هذه الصفحة

  1. احساس يتيمه

    احساس يتيمه مشرف سابق

    إنضم إلينا في:
    ‏8 مارس 2008
    المشاركات:
    9,231
    الإعجابات المتلقاة:
    18
    الــــ س ــلام ع ــــليكم


    كيفكم ياحلوين ان شاء الله تكونو في احسن حال
    اخترت موضوع يكون دردوشي من الدرجة الأولى
    نناقش فيه احوال الديكور وخصوصا تنسيق الالوان كم بيت دخلنا ولقينا ست البيت لاعبه في حسبته
    وكم بيت دخلنا ولقينا ابداع ولمسات تدلل على صاحبته
    الموضوع مو سهل يحتاج مخيله ودراسة وبعد نظر
    اذا دعوة لكم ياشموائيات لطرح ارائكم وتعليقاتكم من خلال هالموضوع


    *
    *
    *


    في البداية حبيت اتطرق لموضوع الدمج
    طبعا مو كل لونين اوثلاث يعجبوني احطهم جنب بعض واقول اخترعت صاروخ
    نحتاج دقة لمعرفه النتيجة على كامل الديكور والألوان كثير والاختيارات متعددة


    [​IMG]



    [​IMG]


    [​IMG]



    والشغله محتاجة بحث وتحري >>> يعني عادي لو تتحولين لكونان
    اضاف الى ذلك الاستعانه بصديق قصدي اهل التخصص اذا كان عندك احد دارس تربية فنية
    او حتى هندسة ديكور
    مايمنع انو نتثقف ونتمعن في موضوع الالوان اللي ممكن يقلب عالمنا
    اما مريح واما قلق واما مال امه داااعي


    اخترت كم صورة تعبر عن دمج الالوان بطريقة سوفتي وحلوة وبنفس الوقت
    تعطي انطباع راااائع وراقي تدووم وتدوووم وتدوووم >>> متأثرة باعلان فيري
    وراح ارجع افسر معنى كلمة تدوم لان لها عازه بعد شوي


    [​IMG]


    هدوء ونظاااافه


    [​IMG]


    مودرن مع تناسق رهيب للالوان



    [​IMG]


    احلى نومة مااتوقع بها كوابيس ابدن


    [​IMG]


    نفسي ابكي



    *
    *
    *


    نجي ندردش شوي عن بعض الالوان بالتفصيل
    من الالوان اللي درجت الحين في الديكور وانا شفتها بأم عيني وابوها كمان
    التفاحي والفستقي وتدرجاته خصوصا في البويه >> اللي هو لون الجدار



    [​IMG]



    اللون حلو ويشرح النفس لكن استخدامة سلاح ذو حدين من حيث كسر
    حده ووضوح اللون
    يعني يحتاج لاثات يغطي من اشعاعاته طبعا بامكانك تستخدمية لكامل المنزل ماعليه محاذير
    زي ما بنشوف ممكن لغرفة النوم



    [​IMG]


    وفيه درجة اغمق واهدء زي هذي حلوة وتريح البال والخاطر


    [​IMG]


    ممكن دمجة مع فوشي او زهري يعطي نتيجة رااااايقه ومبدعة
    مع لمساااات انوثة


    [​IMG]


    ونقدر نشوفه في الليفنج روم


    [​IMG]


    بس لي وقفات مع الصورة من حيث سوء اختيار الستاير
    لان هالديزاين مايستخدم الا للمطبخ او غرفة المكتب او الغرف الضييييقه جدا
    ومن وجهة نظري المتواضعه كانت الغرفة تحتاج الى ستاير عليها القيمة تعبي الفراغ الحاصل
    وتكون بلووون غاااامق بالاضافة الى ان اللون فااااتح جدا فبين ان الغرفة فاضية
    مافيها اثاث وهنا نقطة الضعف في الصورة


    نجي نشوف صورة فيها خطأ فاااادح ولازم تتجنبيه


    [​IMG]


    ممممم وين الخطأ!!!!!
    اكيد بلون الانتريه او الكنب
    يعني لاتختاري نفس درجة لون الجدار ابدا قطعا اطلاقا في الاثاث اللي
    يغطي اكبر مساحة من الغرفة
    وبالنسبة لهذي الدرجة من اللون لازم تكسرينها باللون الاسود او تدرجات البني الخشبي


    *
    *
    *


    في بعض الناس تحب اللون الاخضر العادي او الزيتي
    وهنا احب اضيف لمعلوماتك انها تناسب غرفه المعيشة اكثر
    يعني مومحبذ استخدامها في غرفة النوم او المطبخ
    لانها تعطي طابع الغابات او الحديقة
    اختاري الاخضر ودرجاته وادمجية مع الاحمر او الاورنج وماتنسي رتوش من الذهبي
    وبكذا تحصلي على ديكور فخم وانيق




    اللون الازرق وتدرجاته بالاضافة الى التركواز اللي يعتبر من تدراجات الاخضر
    بس حشرته مع بارت الازرق لانه يتفق معاهم في خاصية وحده اللي هي
    محدودية الدمج بمعنى الالوان اللي تدمجينها معاهم معروفة وواضحة مايحتاج
    تطورين من الموضوع لان اللون اصلا حلو ومريح ومايحتاج اضافات


    [​IMG]

    من مميزاته في الديكور يعطي راحة للنظر والخاطر
    كل درجة لها استخدامها في الاثاث
    بالاضافة الى انها تناسب كل الاوقات والفصول

    نتكلم عن التركواز بما انه مايقربله

    نلاحظ انه يعطي انطباع بالهدوء في غرفة النوم خصوصا
    بس يحتاج لاثاث ناعم بنعومة اللون

    [​IMG]

    وعندنا اللبني >>>> بشد الام
    و السماوي
    برضو رااااحة للعين

    [​IMG]

    نشوف هذي الدرجة كيف لما اضيف لها الابيض مع الاحمر
    اعطت جووو رااااايق

    [​IMG]

    وهنا مع الاورانج شي خيااااالي من الوهلة الاولى بس بعدين
    العين ترمش من العوار

    [​IMG]

    ماننسى هالدرجة حلوة وروعه وكووووشخة وكل شي بالعالم

    [​IMG]

    وتقدرين تستخدمينها في غرفة الضيوف بكل اريحية >>> ارحميني ياذا التعبير [​IMG]
    وماننسى غرفة النوووم

    [​IMG]

    اضافة الاصفر للازرق او السماوي ما يعطي نتايج حلوة
    الاحلى يكون مع الليموني او البيج
    [​IMG]

    وهاللونين مناسبة لغرفة المعيشة اكثر شي

    [​IMG]

    وماننسى ان التحف والمراكن والمناظر كماليات تساهم في
    دمج الالوان بطريقة حلوة اما اذا دمجتي الازرق ودرجاته كل ابوها مع البنك وبكثرة
    فابشري بلوك باربي الدلوعه وبكذا تعطين ديزاين طفولي بحت



    جايتكم في البارت اللي بعده مع الوان قاتلة

    الاحمر والاورنج والوردي

    [​IMG]

    [​IMG]

    [​IMG]





    احمر يا احمريكا
    اغلب البنات او الحريم او الاناث بشكل عام يحبو الاحمر
    فيه جرئة وقوة بس احب اذكركم بالكلمه اللي قلت لكم لها فوق عازةاللي هي تدوووم <<< اش معناتها ياحلوين
    معناها الاحمر حلو ويجنن وكل شي بس من الالوان اللي تتعب النظر زيها زي الاورنج والاصفر
    كمان توحي بالحركة والحماس يعني ماتحتاجينها في غرفة النوم الا بشكل قليل جدا
    كمان لازم تدمجينها مع الوان ثانية في غرفة الضيوف
    ولا يحبذ استخدامها في غرفة المعيشة او المطبخ


    *
    *
    *



    نشوف صور ونعلق مع بعضينا


    [​IMG]



    استخدام سليم جدا للأحمر في غرفة الضيوف



    [​IMG]


    مكس بين الاحمر والاورانج <<<< ينقص الغرفة الوان غاااامقة


    [​IMG]


    تناسق فضيييع بين الالوان حلو بكل مافيه
    بس السجادة محلها غلط


    دمج الاحمر مع الوان ثانية يحتاج منك دراسة عميقه
    ليش لانه لون قوي وحتما راح يغطي على اللون اللي بتدمجينه معاه
    بالمختصر هو سي السيد يفرض نفسة بالقوة


    [​IMG]


    اوريكم استخدام خاطئ للأحمر في الدمج



    [​IMG]


    اتخيل مع شويه صحون فسفوية وقدور صفرا
    وكاسات فوشي ويصير بيت السنافر او الاقزام السبعة وراعية البيت تتمرجح بلوك سنوايت وتكون كملت الصورة


    الحين نجي للاورنج و الأصفر


    اغلب استخدامات اللون الاورنجي في الديزاين الخريفي
    يعني اورنج مع مشمشي مع بني يمشون
    لكن نرجع لحكايه بعد النظر وهي الملل من اللون وتأثيرة على العين


    نشوف صور


    [​IMG]


    الوان حلوة بس مملة


    [​IMG]


    دمااااار للعين >>> لاحول ولا قوة الا بالله


    *
    *
    *
    *
    *
    *


    نجي للوردي والبمبي والبنكي والى مالا نهايه


    باختصار شديد ياحلوات لا تعتمدي اللون ذا على كامل الديكور
    يعني خليه يدخل في الدمج بس بدون مايطغى على اللون الاساسي
    الا في حالة وحدة بس وهي غرفة بنوته مراهقة طعمونه وحلوة وأمووورة


    [​IMG]



    نشوف كيف


    [​IMG]


    في هذي الغرفة الشكل مررررة مريح ويوحي بالنظافة والمثاليه
    لكن تحسون ان فيه شي جدي بالموضوع طبعا لاااا
    يحتاج لخداديات غامقة وستاير من العيار الثقيل و........ ماحنخلص
    الناس اذواق طبعا بس احس ان هالغرفة مايجلس فيها الا بنات
    وبس ممنوع دخول التماسيح


    [​IMG]


    الابيض كثييييير خرب الديكور


    [​IMG]


    اتوقع انها غرفة بنك بانثر >>> ترم ترم ترم ترم ترم ترم ترم تراااااااام تررارارم



    احلى لون ممكن تدمجينه مع الوردي هو وبلا منازع البني او الخمري الغامق


    [​IMG]


    نشوف صورة مثاليه جدا


    [​IMG]


    هوا ذا اللي اتكلم عنه بالضبط استخدام خفيف للوردي
    وابشري بعزك



    [​IMG]








    اكيد عرفتو اللون ذا حبيب الرجل السعودي وفي الديكور
    يعني اذا سلمتيه التنسيق
    حول البيت الى دعايه للجالكسي
    ماااادري اش السر
    هو البيئة مأثرة عليه او الجو الصحراوي او ماني عارفه
    المهم .... يعتبر اللون البني هو اللون الرسمي لاغلب المداخل وغرف الضيوف ويمكن غرفة السواق والشغالة
    ليش ؟؟؟؟
    لانه هو لون آآآمن بمعنى شيل وحط وانتهينا كثير من البيوت تلقين اللون البني فيها كثير
    من تعتيق لكنب لسيراميك وهو زي ماقلت مايحتاج مجهود
    وقرأت في احد مواقع للديكور ان له تأثير سلبي على طريقة التفكير والشعور بالروتين
    نشوف صور ونكمل

    [​IMG]

    ديكور معروف انشاء الله فهمتو قصدي

    [​IMG]

    روعة بس مستهلك

    [​IMG]

    فخم بس مافيه ابداع


    نجي نشوف صور للون البني مع الوان ثانية ولمسات راااقيه
    تحول الوضع من روتيني الى حيوي ومودرن في نفس الوقت

    [​IMG]

    تنسيق ودمج واخراج ولا اروع

    [​IMG]

    وهـــ بس السر في اللون الاسود


    [​IMG]

    اختيار موفق في التنسيق بين البني والذهبي مع الموف


    [​IMG]

    ولا ارووووع

    [​IMG]

    البساطة وعدم التكلف هو اللي يحتاجة عالنوع من البويه


    طبعا فيه ناس تحب ديزاين التايغر في الديكور

    [​IMG]

    ماننسى ان له حلاوته وشكلة الخاص لكن يحتاج
    الى دقة في اختيار التحف والمناظر
    لان هو بنفسة منظر حلو





    وصلنا لحبيب القلب والروح
    الموف بجميع درجاته


    [​IMG]


    [​IMG]


    باختصار لون يجيب الاكتئاب والملل والعزلة
    متى ؟؟؟؟
    اذا كان طااااغي واستخدم مع الاسود
    يعني اللون الموف ماينفع كلون كامل الا لمدخل او كورنر بسيط


    نشوف صور لاستخدامات مدمرة

    [​IMG]

    واااااو حلووو مووووت بس مع الزمن راح تحسين انه بيت الاشباح

    [​IMG]

    هذي الدرجة ماتمشي مع الخشبي ابدا

    [​IMG]

    الموضوع مالة علاقة ببعض ابدا


    [​IMG]

    ياااااشين الفلسفة عاااد

    نجي نشوف درجة من اللون الموف اقرب للنيلي او او لون البنفسج الفاااتح

    [​IMG]

    هذي الدرجة صعب التعامل معاها لانها اصلا موحلوة
    واذا استخدمت بشكل مبالغ فيه
    فإنسي انك ترقعي الموضوع

    [​IMG]

    غرفة مغسولة بكلوركس فاصخ لونها وباااهت >>>> باختصار مالها داعي


    نشوف لون اللافندر مع التنسيق الحلو


    [​IMG]

    ماعليه كلاااام رااااايق وحلو وبنفس الوقت انيق


    نتكلم عن انواع للدمج

    [​IMG]

    هذي الدرجة راح رونقها واناقتها بسبب كثرة الابيض


    [​IMG]

    هنا استخدام سليم للاوف وايت مع الموف والزهري


    نجي لغرفة الضيوف

    [​IMG]

    فيه شويه خبص

    [​IMG]

    كورنر يفصل بين غرفتين هنا الكلام السليم والاستخدام السليم للون

    [​IMG]

    اتعب اقول روووووعه

    *
    *
    *
    *
    وبكذ اكون وصلت لنهايه دردشتي وفلسفتي المتواضعة عن الديكور
     
  2. غلاقطر

    غلاقطر عضو بارز

    إنضم إلينا في:
    ‏3 ديسمبر 2008
    المشاركات:
    782
    الإعجابات المتلقاة:
    5
    تسلمين يالغاليه
    على الديكورات الروعه والافكار
    موضوع مميز
    الله يعطيج الف عافيه
     
  3. احساس يتيمه

    احساس يتيمه مشرف سابق

    إنضم إلينا في:
    ‏8 مارس 2008
    المشاركات:
    9,231
    الإعجابات المتلقاة:
    18
    اشكرك غلا على المرور تقديري لشخصك
     
  4. عبق الياسمين

    عبق الياسمين محـظور

    إنضم إلينا في:
    ‏16 مارس 2009
    المشاركات:
    7,400
    الإعجابات المتلقاة:
    15
    تسلم الأيادي

    روووعه وذوق اروع
     
  5. احساس يتيمه

    احساس يتيمه مشرف سابق

    إنضم إلينا في:
    ‏8 مارس 2008
    المشاركات:
    9,231
    الإعجابات المتلقاة:
    18
    اشكرك عبق الياسمين
    على المرور
    تقديري لشخصك
     
  6. نـــمــاء الـــودعاني

    نـــمــاء الـــودعاني عضو بارز

    إنضم إلينا في:
    ‏23 يونيو 2009
    المشاركات:
    6,578
    الإعجابات المتلقاة:
    11
  7. احساس يتيمه

    احساس يتيمه مشرف سابق

    إنضم إلينا في:
    ‏8 مارس 2008
    المشاركات:
    9,231
    الإعجابات المتلقاة:
    18
    نماء الودعاني
    اسعدني تشريفك
    مودتي
     
  8. عطر الليل

    عطر الليل اميـــــرة المنتـــــدى

    إنضم إلينا في:
    ‏29 يناير 2008
    المشاركات:
    31,407
    الإعجابات المتلقاة:
    45
  9. اجمل احساس%

    اجمل احساس% مراقبة منتدى حواء والطفل والأسرة ومطبخ حواء

    إنضم إلينا في:
    ‏8 يوليو 2008
    المشاركات:
    10,061
    الإعجابات المتلقاة:
    17
    اشكرك على الذوق الرائع
    سلمت يداك عزيزتي
    يعطيك ربي الف الف عافيه
    انتظر ابداعك القادم
     
  10. احساس يتيمه

    احساس يتيمه مشرف سابق

    إنضم إلينا في:
    ‏8 مارس 2008
    المشاركات:
    9,231
    الإعجابات المتلقاة:
    18
    عطرالليل
    اشكرك يالغاليه على تشريفك
    مودتي
     
  11. احساس يتيمه

    احساس يتيمه مشرف سابق

    إنضم إلينا في:
    ‏8 مارس 2008
    المشاركات:
    9,231
    الإعجابات المتلقاة:
    18

    اجمل احساس
    اشكرك يالغاليه على تشريفك
    مودتي
     
  12. جروووح الوقت

    جروووح الوقت مشرف سابق

    إنضم إلينا في:
    ‏6 يناير 2009
    المشاركات:
    3,769
    الإعجابات المتلقاة:
    11
    [​IMG]

    ولكى احلى تثبيييت ....
     
  13. احساس يتيمه

    احساس يتيمه مشرف سابق

    إنضم إلينا في:
    ‏8 مارس 2008
    المشاركات:
    9,231
    الإعجابات المتلقاة:
    18
    جروح الوقت
    اشكرك يالغاليه على تشريفك
    مودتي
     
  14. غرام قطر

    غرام قطر عضو بارز

    إنضم إلينا في:
    ‏4 ديسمبر 2008
    المشاركات:
    394
    الإعجابات المتلقاة:
    1
    الله يعطيج العافيه
    على الذوق
    تحياتي لج
     
  15. احساس يتيمه

    احساس يتيمه مشرف سابق

    إنضم إلينا في:
    ‏8 مارس 2008
    المشاركات:
    9,231
    الإعجابات المتلقاة:
    18

    غرام قطر
    اشكرك يالغلا
    على تشريفك
    مودتي
     
  16. مملوحة حائل

    مملوحة حائل مشرف سابق

    إنضم إلينا في:
    ‏13 أكتوبر 2008
    المشاركات:
    10,599
    الإعجابات المتلقاة:
    34
    روووعه

    كلك ذوق

    يسلموووووو
     
  17. احساس يتيمه

    احساس يتيمه مشرف سابق

    إنضم إلينا في:
    ‏8 مارس 2008
    المشاركات:
    9,231
    الإعجابات المتلقاة:
    18
    مملوحة حائل
    اشكرك على التواجد
    مودتي
     
  18. شوق العز

    شوق العز مشرف سابق

    إنضم إلينا في:
    ‏10 يوليو 2009
    المشاركات:
    3,501
    الإعجابات المتلقاة:
    25
  19. احساس يتيمه

    احساس يتيمه مشرف سابق

    إنضم إلينا في:
    ‏8 مارس 2008
    المشاركات:
    9,231
    الإعجابات المتلقاة:
    18
    شوق العز
    اشكرك يالغلا
    على تشريفك
     

مشاركة هذه الصفحة