قصيدة (تمنيت أن تكون من نظمك ) المشاركة للجميع الشعراء وغيرهم ..!!

الموضوع في 'الشعر المنقول وأخبار الشعر' بواسطة اجا1980, بتاريخ ‏4 أغسطس 2008.

مشاركة هذه الصفحة

  1. نجلاءالعيون

    نجلاءالعيون عضو بارز

    إنضم إلينا في:
    ‏3 أغسطس 2008
    المشاركات:
    2,246
    الإعجابات المتلقاة:
    26

    ليـــــــــه ..!!!

    هذا هو اللي تبيه .. ؟؟
    اني ارحل من حياتك
    واشعل عيوني بــ ليه..!!
    بس خلاص ..!!



    هذا هو اللي قدرته ..؟
    وقدرك ربي عليه ..
    بذمتك هذا كلام ..؟
    اني ارجع من جديد
    ارجع افرش كل تعب
    عمري وانام ..



    زين لحظه..!!
    لااسالوني الناس وينك ..؟
    وان درو ضحكة عيونك
    عن عيوني سافرت
    ردت لعينك ..


    بذمتك قول ..
    وش اقول ..؟
    قول قول قول قول
    الله يخرب بيت بيتك
    توني يادوبي بديت
    بعت عمري واشتريتك
    خطوه خطوه واشتريت
    توني باطراف البدايه
    مدري وشلون
    انتهيت ..؟


    ياخي حس ..!!
    والله عيب اللي تبيه ..
    اني ارحل من حياتك ..
    واشعل عيوني بــ ليه ..


    لاجبينك شمس واحساسك مطر ..
    لاعيونك شوق وشعورك دفا ..
    جبت لك بـ ايدي ..
    ابتسامات العمر ..
    ليه تكسرها على اطراف الشفا ..؟؟
    شوف ..!!
    بعثرني احتياجي بالنظر..
    شوف ..!!
    وجهي امتلا منك بــ افا ..


    ماتجي منك ..
    ولكن يابشر ..
    منت اول من طعني بالجفا
    ابرا منك كل جروحي بالسهر
    ولاافكر من ورى قلبك شفا
    ول ياقلبك ..!!
    مايجيب الا القهر ..
    ول ياعمرك ..!!
    ماعرف طعم الوفا ..


    والا انا ..!!
    مثل النهر ابقى نهر..
    من تحوسه ترجع تشوفه صفا ..!!
    فيني والله احساس لامنه ظهر..
    يشعل ضلوعك اذا قلبك طفا ..


    هذا هو اللي تبيه ..؟!!
    وهذا هو اللي قدرته ..
    وقدرك ربي عليه ..


    بذمتك هذا كلام ..؟؟!!
    اني ارجع من جديد..
    ارجع افرش كل تعب ..
    عمري وانام ..


    وين اروح ..؟؟؟
    شلون اجيب لقلبي المجروح .... روح
    هذا هو اللي تبيه ..!!
    .*.*.*.


    الشاعر سالم السيار
     
  2. رهاز

    رهاز عضو بارز

    إنضم إلينا في:
    ‏11 يوليو 2009
    المشاركات:
    888
    الإعجابات المتلقاة:
    12
    إي بالله أخطوا والخطا اللي جابهم عين الصواب

    [bor=FF0000][align=center]

    أحسن دوا للي يحاول يستفزك تحقره

    إي بالله أخطوا والخطا اللي جابهم عين الصواب
    مبطي وأنا أشوف الطمع يكشف رداهم وأستره

    مايملي عيون الحسود بهالزمن غير التراب
    ومن لايتوب من الخطا تحرم عليه المعذره

    اللي من أولها خراب أكيد تاليها خراب
    والبندق اللي ماتثور في هدفها تذعره

    ودك اليامن جاتك الغلطه من الناس القراب
    الصاحب اللي ماكسبت محبته ماتخسره

    مشكلتي إني ماعرفت أحسب لصدتهم حساب
    قلطتهم صدري على ذكرى قصيد وحنجره

    صوت ٍ يصول بمنبره واخطاب مامثله خطاب
    والطيبه اللي زعزعت صوت الخطيب ومنبره

    مافيه دمع ٍ صوبوه أحبابي بوجهي وخاب
    ولازرق حزني على غالي ولافج انحره

    كل الزهاب اللي معي ذكرى من أصحاب الزهاب
    واللي بقالي من عذاب اشرس طريقي وأخطره

    لأني تجنبت الغرق.. عديت من فوق السحاب
    لأن أكثر أصحابي ورق..ماشفت للطيب إثمره

    والله ماحطيت بين الحقدوالخوه حجاب
    حتى غدوا ربعي يحدوني على الضيق أشكره

    البارحه ثارت علي رقاب وأوتني رقاب
    البارحه ياثقل دم البارح ويامحقره

    أثر المصايب ماتجيك إلا من الناس القراب
    وبهالزمن حتى الخوي اللي تثق فيه أحذره

    أهب ياوجه الحسد وشلون جمعهم وغاب
    كيف السنين اللي عطتني بعثرتهم بعثره

    لابارك الله في رفيق ٍ تزعله كلمة عتاب
    ولاجمع الله الرجال اللي تفرقهم مره

    الصاحب اللي مايجي من صحبته غير العذاب
    نذر ٍ علي إن ماهجرني وإلا أنا اللي ب أهجره

    من يفتح لفرقاي باب أفك له عشرين باب
    وأذا خويي مايقدر خوتي ما أقدره

    عو ّدت نفسي كل ماشددت لليمّه ركاب
    مأصد وجهي عن طموح إلا لياجبت خبره

    أن روّحوا فأنا بري منهم ليوم الحساب
    وإن جرحوا قولوا لهم ماحركوا فيّ إشعره

    شفهم لهم حول السنه ولا خذوا مني جواب
    أحسن دوا للي يحاول يستفزك تحقره

    ماكنت أحاتيهم صغيّير ..عاد أحاتيهم شباب
    الصاحب اللي ما أذخره لليوم الأسود ما أذخره

    شفني جمعت أوراقهم بكتاب وأغلقت الكتاب
    ياوقت لم اللي تلمه وأنثر اللي تنثره

    اللي يخاف من الظما يترك لنا طرد السراب
    واللي ماهو بقد الظلام ووحشته لايسهره

    عقب أكتئاب البارحه ماعاد انا حمل إكتئاب
    الطيب جرجرني وانا ماني بناقص جرجره

    انا تجرعت الظما لين أحترق وجهي وذاب
    انا كسرت بخاطري قبل الصداقه تكسره

    انا خسرت اللي غيابه غير عن كل الغياب
    انا غفرت لعالمٍ ماتستحق المغفره

    انا أكثر (أنسان) تعلم من كثر ماأخطأ وصاب
    انا أخر (لسان) يتكلم في زمان الثرثره

    انا القصيد اللي فزع من دفتره مليون ناب
    وانا الوحيد اللي جمع مليون ناب بدفتره

    جفني وجرّحه السهر ، حيلي وهدّته الصعاب
    دمعي هدر،ضحكي ندر،عمري وضيعت أكثره

    شيبت بعقول العرب..هيبت روس ٍ ماتهاب
    جمهرت ناس ٍ عمرهم مايعرفون الجمهره

    ماصرت ذيب إلا لأن اللي تحدوني ذياب
    ما كنت أغيب إلا لأن العفو عند المقدره

    ترى حلاتك لاحملت لصاحبك كلمة عتاب
    أن مانطقت بها بوجهه ماتذمه بظهره

    في هالزمن مايملي عيون الحسود إلا التراب
    والا الحظيظ.. الطلقه اللي ماتصيبه تذعره

    ودك اليامن جاتك الغلطه من الناس القراب
    الصاحب اللي ماكسبت محبته ماتخسره
    لشاعر حامد زيد


    تمنيت لوكتبتها رهاااااااز[/align][/bor]
     
  3. رهاز

    رهاز عضو بارز

    إنضم إلينا في:
    ‏11 يوليو 2009
    المشاركات:
    888
    الإعجابات المتلقاة:
    12
    عروس الوجود .

    قصيده غايه في الجمال للغالي/ طلال الرشيد
    ( رحمه الله )





    [​IMG]



    [​IMG]




    عروس الوجود


    يا مسا الخير.. والطير.. ومساء الورود

    يامسا النود.. والجود.. وشذى عودها

    يا مسا العيد.. والغيد.. وعنود النفود

    يامسا الحب.. يا حايل ومحسودها

    صدّر الشوق ضامي.. والمشاعر ورود

    جيت كلّي من أقصى الروح لحدودها

    كم طلبت القصايد.. عن غلاها تجود

    من دعوني.. وأنا انخاها على جودها

    ثالثة والديني.. حايل أم الجدود

    أمّي اللي غلاها.. عزّ مولودها

    دارنا.. حيّ فالك يالغنوج الودود

    السما لك مرات.. وطلتك نودها

    خذ عيوني وشف حايل.. عروس الوجود

    تعرف الفرق.. بين الشوك وورودها

    واهنيك بمقرن وجه فال السعود

    وكل ميراث ابو تركي.. من سعودها

    ما يشك بوفاي لأوليا الأمر كود

    فاسد القلب والنيّه.. ومقرودها

    ما ذخرنا الحتوف.. ولا نقضنا العهود

    من خلقنا.. نصون الناس وعهودها

    زان وجه الكلام.. وشان وجه الحسود

    بان فرق النوايا البيض.. من سودها

    هيجني يا ربابه والقصايد شهود

    عيدي اليوم شوفتكم وبشهودها

    لاح برق السلام.. وهلّ مزن الردود

    جت تقودن مشاعركم.. وانا اقودها

    يا هلي والله إنّي لو اعيد وازود


    ما أوفي حقوق الود من كودها

    ****




    لم اجد مايعبر من الكلام بعد الغياب



    *


    *


    *


    *


    غير



    *




    تمنيت لو قلتها



    صحيح والله حائل عروس الوجود



    لكن لا يكتمل الوجود بالنسبه لي الا بوجود



    ( حائل نت )


    اهديها لكم

    [​IMG]




    [​IMG]
     
  4. gbaaach-vip

    gbaaach-vip غبااااااش/ مشرف سابق

    إنضم إلينا في:
    ‏2 أكتوبر 2007
    المشاركات:
    27,806
    الإعجابات المتلقاة:
    129


    المرجلة
    مــاكــــل رجــالٍ تسميـــه رجـــــال
    ولاكـــــل طيــرٍ يفرد الريش جرناس

    ولاكل من شال الثقيــلات حمـــــال
    ولا المــرجل بالــــــرذيلات تنقـــاس

    المرجله مقيــاس لاقـــوال وافعــال
    وثقلها مثــل الجواهــر والالمـــــاس

    ياماالزمن عرفني اشكـال واشكــال
    وياما المــواقف عرفتني بالاجنـــاس

    بعض الرجال اشباه في كل الاحوال
    وبعضهم ينحط دايــم على الــــراس

    ماهي منـاظـــر تحت غتره ولاشـال
    المرجله حشمــه ومنطق ونومـاس

    لاتحسب ان المـــــرجله قيل او قال
    المرجله يبنى عمـــدها على ساس

    والأصل والمعيار في الجـــد والخـال
    واسلافنـــا قالـوا لنا العــرق دساس

    والهرج ياما فيه قالـــوا من امثـــــال
    تقــدر تميـــــز فيـــه ناسٍ على ناس



    لشاعر صالح العنسي
     
  5. الساحل

    الساحل عضو بارز

    إنضم إلينا في:
    ‏27 يناير 2008
    المشاركات:
    6,610
    الإعجابات المتلقاة:
    30
    الله يجازي مـن يسـوي سواتـك ... وبذنوب من سوى سواتك يجازيـك

    مشيت درب الثقـل وتحـب ذاتـك ...ماتـدري انـه للمهالـك يـوديـك

    غـرك جمالـك ياخسـاره حلاتك ....ماتدري ان ماغير طبعـك يحليـك

    بتقـول زينـك يشفـع لسيـآتـك ....الحسن ماهو عن وفا الحب يعفيـك

    لوالتواضع والوفـا مـن سماتـك ... بعت الحبايب كلهم ديـن واشريـك

    لكـن عجـزت اغيـرك ياجراتـك ....على الغياب اللي بلا عـذر ينجيـك

    خطاي في توضيح وشـي غلاتـك ....وخطاك في توضيح وشـو تغليـك

    وشلون توصيني وتنسـا وصاتـك ....وتصد عن صوتن تقطـع يناديـك

    مافاتـك التجريـح والعـذر فاتـك ...وتبغي الراي الحين ماعـاد يمديـك

    صحيح احبك بـس هـاذي جزاتـك ....بعلمـك درس يفيـدك ويحيـيـك

    تدري وش ابيض من خفوقك عباتك ...وتدري وش اللي غرني نظرتي فيك

    ادري بتستغـرب تصبـر وجاتـك ... قصيدة مـن واحـد كـان يبغيـك

    وتبغي تناظر وانت عايش مماتـك ... شف وحدتك والناس تجلس حواليك

    وتبغي تشوف اشجع رجل في حياتك ... شفني وانا راحل على كثر ماغليـك

    جوهره من جواهر الشاعر : محمــد بن فطيس
     
  6. صبا نجد

    صبا نجد عضو بارز

    إنضم إلينا في:
    ‏14 أغسطس 2009
    المشاركات:
    93
    الإعجابات المتلقاة:
    0
    يامسافر للجفا

    يا مسافر للجفا.. والوصل يبكي عليك
    وين عهدك بالوفا.. للخفوق اللي يبيك
    لي جناح ولك جناح ...ولا نطير الا سوا
    اسقني عذب القراح ..لي زمان اشرب هوا
    ليت لي قلب خلي .. ماعرف فرقا الوليف
    لا عليه ولا علي ..لا ربيع ولا خريف
    الهوى امره عجيب ..مره يسابق حلاه
    ان صفا ود الحبيب ..الزمان ابعد مداه
    ويل قلبي يالغرام ..كل يوم لي قصيد
    اشتكى مني الكلام ..اجرح حروفه واعيد
    دايم السيف
     
  7. الساحل

    الساحل عضو بارز

    إنضم إلينا في:
    ‏27 يناير 2008
    المشاركات:
    6,610
    الإعجابات المتلقاة:
    30
    عقبك غدت كل الليالي .. حزينه ..
    ـــ ومافيه عقبك ... من يسد بمكـااانك ..

    روحي غدت للياس منّك رهينه ..
    ـــ وخان الزمن فيني ... وخـانك زمانك ..

    مثل الغريق اللي يتحرا سفينه ..
    ـــ ظليت انا اتحرى يجيني ...... حنانك ..

    شاعرك ياخلي .. تفجّر حنينه ..
    ــــ لاجلك وكل الليل ... يسهر .. عشانك ..

    ماغير اقلّب ذكريات ٍ .. دفينه ..
    ــــ يوم الهوى عايش ..... بدنيا جنانك .. !!!

    بركات الشمري
     
  8. gbaaach-vip

    gbaaach-vip غبااااااش/ مشرف سابق

    إنضم إلينا في:
    ‏2 أكتوبر 2007
    المشاركات:
    27,806
    الإعجابات المتلقاة:
    129
    ينادي بالخطا نوره؛وانا ادري فيه يعشقها
    واسوي نفسي مااسمع واقول المغني حضوره!

    ويحلف لي على المصحف بان الصوره شققها
    وانا شفته يجيب البوك هناك يخبي الصوره!

    من الماضي رسايلها الين اليوم مااحرقها
    هداياه دفاترها عطرها ذكرى سطوره!

    انا اسأل نفسي بنفسي!!يحبها؟ليه طلقها؟
    يخليني فبابه ليه؟وهي تسكن قصوره

    كفايه كل ماينطق باسمي راح ينطقها
    كفايه جالس ابجنبي خيال بدنيا محظوره!

    تحبه روحي بقوه واشوف انه يغرقها
    الى مني صرخت اليوم انا يانفس معذوره

    يغربني عن الدنيا وهمه دوم مشرقها
    وانا اللي بالغرام افخر؛؛واشوفن فيه مغروره!

    اخاف ان صدت وراحت؛؛يموت ان غاب بارقها
    واخاف ان ظلت بدنياه اعيش العمر مقهوره

    كفايه يوم جبت البنت وقالوا:روح وثقها!!
    حلفت ان كان لي خاطر يسمي اسمها:نوره!!
     
  9. رهاز

    رهاز عضو بارز

    إنضم إلينا في:
    ‏11 يوليو 2009
    المشاركات:
    888
    الإعجابات المتلقاة:
    12
    ماتنزل دموعي على(ظـل) iiرجـال
    ولا شانت الدنيا وانا ماني iiبدووونـك


    اما تجي مع بابنـا .. محقـق iiآمـال
    ولا تغيب ويا كثر من iiيبوووونـك!!


    ماااني بلعبه تنتظـر ضمـة اطفـال
    ولاني بصـوره تلتقطهـا iiعيونـك!!


    ولاني بشينه تنتظر (رحمـة) iiرجـال
    آنا ورثت من الحلا ((مايصوووونك))


    لكـن بـي العفـه تحذرنـي iiاهمـال
    مخافة الله لاجـل ارضـي iiظنونـك


    لوني مكانك (رغم طيبـي) iiابختـال
    ما فيه منهي كاملـه وسـط iiكونـك


    لكن.. أنا..من الخيال اقـرب iiمثـال
    يكفيك حتىان خنتني ما اخوونـك..!


    لن الخيانه تجري بعروووق الرجـال
    مسموووح تخطي والاهل iiيعذروونـك


    لكن..تخونك بنت من صلب iiرجـال
    هذا كفر ..! مايغفره !..شرك كونـك


    آآآآخر كلامي ماني بحاجـة iiلاقوااال
    اما مع البـااااب او اقصـر iiظنونـك
     
  10. وحده مغبونه

    وحده مغبونه عضو بارز

    إنضم إلينا في:
    ‏24 يونيو 2008
    المشاركات:
    100
    الإعجابات المتلقاة:
    0
    الصيف راح وزمهرير الشتا حلّ
    .................... وانا فقيرة حال وَاهْلِي فَقَارَا
    ياشاعري عن مَطْلَبِي لَلْبَشَرْ :قِلّ
    .................... صيته تِبِيْ،مِعْطَفْ:هنادي،وِيَارا
    لو يوم واحد بَدْفِنْ الفقر وَافِلّ
    .................... هذا الْحِجَاجْ اللي كساه الغبارا
    وأدَوْس باقدامي على فَرْشَة الزّل
    .................... لو نصف يوم أهْجُرْ حياة الطُفَارا
    هذا الفقر مَا كَلّ مِنَا وَلاَ مَلّ
    .................... ولَــهْ سطوةٍ جبّـارةٍ مَا تُجَارَا
    بيِدْيه سَلّ الحال ياشاعري سَلّ
    .................... و لَبّس عيوني ليل ما له نهارا
    كم قِلْت لَهْ دِخِيْل رَبْ السما :حِلّ
    .................... عنّا وِ كَمْ صَيَّحْت ،فيها جِهَارا
    وكم قِلْت لَهْ:فارق:عَنْ ارْوَاحَنَا:وَلّ
    .................... و يِقْبِلْ عـدوٍّ مـن عـدوّه تثارا
    يا شاعري مِنْ تَلّة اوْجَاعَنَا طُلّ
    .................... ومدّ الْبَصَرْ دَاخِلْ وِجِيْه الْحيارا
    تلقى بِنَا : أعمى :وأطرم :وِمِنْشَلّ
    .................... وتلقى الأسَى ينطق بِوَجْه الصغارا
    و تِلْقَى هَيَا كِلْ: نَا حِلَهْ مَا لَهَا ظِلّ
    .................... عَنْهَا يطيح من النحول الأِزَارَا
    تشرب قَهَرْ: والقوت بَحْلَوْقَهَا ذِلّ
    .................... ورغم الْفَقُرْ .. تلبس عباة الوقارا
    ومع كُلْ طَلْعَةْ شَمْس،تِنْدَاسْ:تِنْذَلّ
    .................... والدين وصّى لاَضَرَرْ :لاَ ضِراراَ
    مَا مَرُّ نا دِيْم الْرَفَاهِيّه وبَلّ
    .................... ظُمَى الكبود إنْ كَانْ بَلّ الصحارا
    صِرْنَا: وَطَنْ والفقر غازي ومُحْتَلّ
    .................... والْعِرْض عن عين الرذيله تِوَارَا
    نَعْرِفْ طريق المال ونشوف وَنْدِلّ
    .................... بس الثمن خُزْي : وفضيحه : وعارا
    نَحْفَظْ ثِيَابْ الْطُهرْ وَنْخَافْ تُبْتَلّ
    .................... والفقر كا فر : والمصايب كبارا
    وتِتِلّنِا يُمْني الْفَقُرْ للخطا تَلّ
    .................... بالنفس كَسْر : وبالعيون انكسارا
    لَوْ تَصْفَعْ العابد يدين الفقر :ضَلّ
    .................... وصارت لَهْ قبور الخطايا مِزَارا
    ياشاعري سَوْلَفْت لك :جُزْء مِنْ كُلّ
    .................... عَنْ فَقُرْ عَذْرا : كَمْ وَرَاهَا عَذَارا
    وهناك يشرون المزايين والْبِلّ
    .................... سَكْرَةْ زَمَنْ وِلاّ الأوادم سُكَارا
    ناَظِرْ عيوني مَا بَهَا مَا طْر ٍ هَلّ
    .................... جفّت سَحَا يِبْهَا بليل السهارا
    وتَبْقَى قَضِيّة فَقْرَنَا مَالَهَا حَلّ
    .................... يَا شَاعِري مَا تْت قُلوب الغيارا
    ورَاحَتْ وانَا اقْول الْفَقُرْ شَخْص مُنْحَلّ
    .................... أبغى أَدَارِيْـهَا وهِيْ مَـا تُدَارَا
    أخاف اصَرّح ثُمْ عَلى راسي اتْهِلّ
    .................... سُحْب المصائب من يمين ويسارا
    بَسْكِتْ : وَبَبْلَعْهَا مِثِلْ كَاتِمْ الْغِلّ
    .................... وأقـول ياربـي تعين الفقـارا
    وسلام :يا نَرْجِسْ: وِكَادِي :وِِيَا فُلّ
    .................... وسلام يَا كِذْبَة غِنَى وازْدِهَارا

    عبدالله بن سماح المجلاد​
     
  11. رهاز

    رهاز عضو بارز

    إنضم إلينا في:
    ‏11 يوليو 2009
    المشاركات:
    888
    الإعجابات المتلقاة:
    12
    لبيه للوطن ؛؛؛

    [​IMG]





    لبيه يالحد الجنوبي


    ؛؛؛


    لبيه يالحد الجنوبي وجيناك

    مجنون من وده يمس السياده

    ودعت ربعي قايل الموعد هناك
    اما النصر يا دار والاالشهاده
    الباغي اللي يا وطنا تحداك
    بيموت جيفه مايحصل مراده
    كنه انتحر يومه تسلل تعداك
    من حظه السيء وزودالقراده
    آمر يا ابو متعب وهالشعب يمناك
    منهو يلوم اللي بيحمي بلاده
    ولا خلا يا دارنا لا عدمناك
    ياموطن الايمان وأرض العباده

    ؛؛؛



    (الف شكر للرجل الاول والاخير ( للجيش السعودي)
    وكل من شارك في هذه المواجهة



    ووطن لا نحميه لا نستحقالعيش فيه

    كلمات : عبدالله أبو راس

    لا نملل لهم سوى الدعاء لجميع حدود الوطن ومايصيبهم
    [blink]قلوبنا معكم[/blink]
     
  12. gbaaach-vip

    gbaaach-vip غبااااااش/ مشرف سابق

    إنضم إلينا في:
    ‏2 أكتوبر 2007
    المشاركات:
    27,806
    الإعجابات المتلقاة:
    129
    نافق تعيش وجامل الناس تنحـب
    وبيع الضمير تشوف كلن يجيلـك



    هذا هو المنظور في وقتنا الصعب
    أما تزيـل الصـدق والا يزيلـك

    الصدق ماله لازم بعالـم الكـذب
    حتى الطفـل كـذاب يالله دخيلـك

    كذا أنكتب نعيش حاله من الرعب
    مابين شك وخوف صبحك وليلـك

    نمشي مع التيار من وين ماهـب
    وأترك عّنك من قال قلبـك دليلـك


    أن عشت في نيه تحارب وتنسـب
    ولاعـاد تلقـى بـالاوادم خليلـك


    ياللعجب ويش العجب ؟ لا تعّجب
    لو ماتجامـل صاحبـك مايجيلـك


    تدري من المحبوب من يتقن اللعب
    لاغبت عّنه فيـه عشـرة بديلـك


    خطة صداقه تشبه لخطة الحـرب
    أن ماكسبت المعركة وش حصيلك
     
  13. مشعل السبيعي

    مشعل السبيعي عضو بارز

    إنضم إلينا في:
    ‏28 أغسطس 2009
    المشاركات:
    2,655
    الإعجابات المتلقاة:
    22
    خليتني مثل الكفيف أتمناك ..
    اللي عقب شوفه عيونه فقدها ..
    عذبتني مابين بعدك ولقياك ..
    حتى الليالي قمت أحسب عددها ..
    لو كنت تدري وش كثر قلبي اغلاك ..
    يمكن تقول الام مااغلت ولدها ..



    -----
     
  14. وليد القاسم

    وليد القاسم حايلي إدارة المنتدى

    إنضم إلينا في:
    ‏10 أغسطس 2008
    المشاركات:
    9,466
    الإعجابات المتلقاة:
    96
    إذا ناوي على الروحه وحاسب للغياب حساب
    ابي اسألك قبل ما تروح قلبي وين خليته

    أنا مدري من المخطي ولا اقدر ازيد عتاب
    عطيتك قلب يا قلبي ياليتك بس داريته

    نويت تروح يا الغالي ولا ادري وش الاسباب
    ونور الشوق في عيني دخيلك ليه طفيته

    خلاص اشوف ما ودك تعاتبني عتاب احباب
    حرقت القلب في بعدك واشوفك حيل مليته

    ترى قلبي مثل وردا كساه الرمل وصار تراب
    ياليتك بس بإيدينك هذاك الورد ضميته

    مادامك بايع العشره وناوي تقفل الابواب
    أبي اسأل قبل ما تروح قلبي وين خليته
     
  15. gbaaach-vip

    gbaaach-vip غبااااااش/ مشرف سابق

    إنضم إلينا في:
    ‏2 أكتوبر 2007
    المشاركات:
    27,806
    الإعجابات المتلقاة:
    129
    آلصمت له عندي معزّه ومقدار
    في زحمة الافواه .. يا مزين الصمت !!

    لا صار بعض البوح عند البشر عار
    لو يشتعل جوفي حشى ما تكلّمت

    تعبت من قولة : (علامك) و وش صار ؟
    وان طحت ما ألقى سوى كلمة (سلمت)

    واعذار اخلقها ولو مالي اعذار
    مشّيتها مره .. ومرات ما رمت !!

    كذبة صباح الخير/ يا صبح الانوار
    عذري ليا عدّت ليالي ولا نمت

    اسهر طوال الليل وضْيوفي افكار
    واقول لاْصحابي : نعم توّني قمت !!

    ما عاد فيني ألفت عْيون واْنظار
    يكفي بأني من زماني تعلّمت

    ان الصدر بيتــ ٍ.. وسكّانه اسرار
    نيّام .. بس يصحون لامن تألّمت

    يصحون ويناظرهم الجار والمار
    وش عاد ينفع سترهم لو تكتّمت ؟!!

    آقدّم اقدامي على درب الاصرار
    امشي ولكن للأسف ما تقدّمت

    النار قدامي .. ومن خلفي النار !!
    والعمر يمضي بي وانا ما تولّمت

    الين ذاك الحلم في لحظه انهار
    وانا مع لحظة سقوطه تحطّمت

    جروحي كثار..وتناهيدي كثار
    لكن على كثر المواجع .. تبسّمت !!

    ثم أْلتزمت الصمت وعزومي اكبار
    ولو يشتعل جوفي حشى ما تكلّمت
     
  16. وليد القاسم

    وليد القاسم حايلي إدارة المنتدى

    إنضم إلينا في:
    ‏10 أغسطس 2008
    المشاركات:
    9,466
    الإعجابات المتلقاة:
    96


    ألا ياهـل الغـرام الضحـك وينـه والسعـاده ويــن
    عـسـى الله يقـطـع الفـرقـا وساعتـهـا وطريـاهـا

    احـس بوسـط قلبـي جـرح يشبـه طعنـة السكيـن
    واحـس بـوسـط كـبـدي جـمـرةٍ تـحـرق ثنايـاهـا

    واحس بداخلي ضيقـه غريبـه مـن ثـلاث سنيـن
    واحــس ان الـزمـن كـشـر بنـابـه يــوم فرقـاهـا

    وأنـا لونـي شكيـت الـلـي بقلـبـي للجـبـال تلـيـن
    وأنــا لـونـي شكيـتـه للسحـايـب نـثّــرت مـاهــا

    تـرى ماهمنـي حمـل المحبـه لـو غــدى حملـيـن
    أنـــا قـــدّ الـحـمـول الـجـايـرات وقـــدّ بـلـواهــا

    ولو راحت ضلوعي من سبب حمل الغرام طحين
    أنــا مـثـل الجـبـال الراسـيـه مااهـتـز مـرسـاهـا

    صبور ولو يبـور الوقـت فينـي والزمـان يشيـن
    حـرام إنـي لصـون أسـرار قلـبـي داخــل خبـاهـا

    عليّـه نـذر برقبـتـي ومـنـي حـلـف مـعـه يمـيـن
    لمـوت ولا دروا مــن ويــن ديرتـهـا و منشـاهـا

    ابكتـم سرهـا فـي وسـط قلبـي لـو يطـول البـيـن
    وأبي أحفظها عـن العـدوان والصدقـان وحماهـا

    غلاهـا بالضميـر وقدرهـا الغالـي بوسـط العـيـن
    وانــا لــولا غـلاهـا ماجفـيـت الخـلـق لـرضـاهـا

    تحملـت الجـروح ولوعـة الفـرقـا وبـعـد الـزيـن
    احـــن لصـوتـهـا واحـــزن طـاريـهـا وذكـراهــا

    عليها اللـوم مـن شرقـي وطنـا لا حـدود الصيـن
    وعـسـى الله مــا يواخـذهـا بغلطتـهـا ويـجـزاهـا

    ابصـبـر واتجـمـل واتـحـمـل بالـقـسـى والـلـيـن
    واقــول الله يوفقـهـا عـــدد مـاســارت خـطـاهـا

    أنـا ليـه أتبـع المقفيـن وأشحـذ رحمـة المقفـيـن
    وأنـا مــن روس قـومـاً تسـتـر الخـلـه وترفـاهـا

    رجـالاً يخدمـون ويحتـمـون وينـصـرون الـديـن
    علـى درب الهـدى والخيـر والفزعـات ممشـاهـا

    هـم اللـي يطعمـون ويرحمـون العاجـز المسكيـن
    لهـم سيـرة قديمـة مـن جـهـل بالـعـرف يقـراهـا
    وعلـى سـود الليالـي والمحبـه والفـراق الشـيـن
    دعيـت الله يعـيـن ويكـشـف الضيـقـه ويجـلاهـا

    ويعين الصابرين اللي على درب الشقى ماشيـن
    ثـلاث سنيـن وهـمـوم الـزمـان تـحـف ممشـاهـا


    للشاعرفيصل بن خلف بن هذال
     
  17. رهاز

    رهاز عضو بارز

    إنضم إلينا في:
    ‏11 يوليو 2009
    المشاركات:
    888
    الإعجابات المتلقاة:
    12
    [ALIGN=CENTER][TABLETEXT="width:50%;background-color:limegreen;"][CELL="filter:;"][ALIGN=center]


    السلام عليكم ورحمه الله وبركاته

    ودنا بالطيب

    ودنا بالطيب بس الدهر جحاد طيب
    كل ما تخلص معالناس كنك تغشها
    يدك لامدت وفاء لاتحرى وش تجيب
    كان جاتك سالمه حب يدك وخشها
    كل ماشبيت نار المحبه مع حبيب
    قام يسحل في مشاهيبها ويرشها
    وكل ما واجهت لك فالزمن وجه غريب
    مثل ماقالالمثل دام تمشي مشها
    وذمةٍ ماهيب تندار للحق المصيب
    جعل قشاشالحطب لاسرح يقتشها
    للشـــاعر /سعــد بن جـــدلان



    [​IMG]

    [/ALIGN][/CELL][/TABLETEXT][/ALIGN]
     
  18. شاطئ النسيان

    شاطئ النسيان عضو جديد

    إنضم إلينا في:
    ‏12 فبراير 2010
    المشاركات:
    4
    الإعجابات المتلقاة:
    0
    بعض البشر طبعه مقدر ومحشوم ...وبعض البشر صعب عليك احترامه
    واللي ستر عيبه عن الناس بهدوم...وش يستره لاصار عيبه كلامــــــه

    ممـاراق لي
     

مشاركة هذه الصفحة