حياك الله!

بالتسجيل معنا ، ستتمكن من المناقشة والمشاركة والرسائل الخاصة مع أعضاء آخرين في حائل نت.

سجل الآن!

مما قال الشاعر / مصلح عايد الشمري في مدح الاخ الاستاذ / ابو سعد صالح سعد الهديرس

برق ورعد

عضو بارز
إنضم
7 نوفمبر 2015
المشاركات
173
لاصار ماتبحر بالاعماق وتعوم
في بحر در مجوهرات المعاني

تاخذ ثمين الدر والبحر به زوم
يزوم به راع المثال السماني

ياخذ سمينه والهزل دوم مذموم
عندي ولا يلقا مقر ومكاني

سلام لاهل العرف والطيب مرسوم
باعداد هملول المطر والمزاني

سلام ياحر اعتلا راس مرجوم
حر يشوم عن الرداوالضماني

صالح ليا قلنا من الشعر منظوم
ماينوصف فعله بكل اللحاني

صالح هديرس فاعل الطيب زيزوم
كفه ذرا الخايف بيوم المحاني

سلام فيه اعداد ماخلقت نجوم
وعد الدقايق في الزمن والثواني

واعداد مافي هالسماء بانت غيوم
وعد الكلام وعد هرج اللساني

ياللي فعايلكم سماء المجد معلوم
سلمان نعمين النسب والفياني

واخص بالمدح والقيل ملزوم
ابن سعد راع الفعال الحساني

صالح ليا قلت بالمدح شغموم
عقيدقوم من قديم الزماني

ليا صكت الهيجاء مداريع وخصوم
وتلاقن الجمعان والوقت فاني

هديرس تدوس المعتدي وكل مذموم
وتاطا خشوم يابسه ماتلاني

هديرس زحازيح بالامحان معلوم
لادقت الساعة وحان الاواني

افعالهم ماهي سواليف وعلوم
لطامه العايل بيوم الكواني

تاريخهم فعل من الطيب مزهوم
واخص صالح بالعلوم السماني

ياراس قوم فعلهم يشبع الحوم
يافرحة المضيوم لاجاه عاني

كم الكبود فعله الوسم معلوم
بعد اليبس كفه رفاها ولاني

قبله ابوه الطيب له سلم وسلوم
عساه بالفردوس عالي المكاني

نهجك نهج نهج المعاميل بالسوم
سوم الكرم سمتوا بغالي الثماني

وماقل دل وكثره الهرج مشؤم
وخير الكلام اللي لمدحك هداني
 
التعديل الأخير:
أعلى أسفل