نظمت قاف الشعر في وصل معناه قالوا تخير قلت هذي مبادية

الموضوع في 'شعراء حائل نت' بواسطة برق ورعد, بتاريخ ‏4 يوليو 2017.

مشاركة هذه الصفحة

  1. برق ورعد

    برق ورعد عضو بارز

    إنضم إلينا في:
    ‏7 نوفمبر 2015
    المشاركات:
    103
    الإعجابات المتلقاة:
    1
    نظمت قاف الشعر في وصل معناه
    قالوا تخير قلت هذي مباديه


    اللي على نظم القوافي ومبناه
    حييت قافه ثم حيه مبانية


    ابو فهد ناهي لطله محياه
    رجل على النوماس الله يحييه


    حطه على يمناك دايم تمناه
    ويعلمك من معنى الحياة وتمنيه


    ورجل على الشدات صبره وملفاه
    رجل كريم وكايد العرف قاديه


    وهذي بيوت الشعر له دوم فدواه
    وتفدى هنوف بالظماير وتفديه


    له نزوه وله صوله طاب مرساه
    ولابأس ياقاف المشاعر تهنيه


    عد الجواب وعد رايه ومبداه
    من روس شمر والشجاعة نزاويه


    وعند اللقاء ياقو باسه وتلقاه
    وعلى السعه والبال محلا تغليه


    يابن الضويلي ياعفيف محياه
    ياعين حرن بالمقانيص تحييه


    وعسى خيال الوسم من اقصاه لدناه
    وحايل ديار العز قاصيه دانيه


    مد النظر والذود بالعشب ترعاه
    وارضه ربيع والوفاء في مواريه


    ونبت الخزامى والنفل نسمة ارجاه
    وطيور الحباري بالبراري تسليه


    القصيدة مهداة الي الاستاذ القدير ناهي فهاد الضويلي الشمري
     
    آخر تعديل: ‏3 أغسطس 2018
  2. عارف السلمان

    عارف السلمان ابـو عــبدالعـــزيــز إدارة المنتدى

    إنضم إلينا في:
    ‏18 فبراير 2006
    المشاركات:
    10,391
    الإعجابات المتلقاة:
    56
    يستاهل المربي الفاضل الاستاذ ناهي الفهاد الضويلي .. ونعم الرجل... ومثله يستاهل القصيد..
    صح لسانك على هالأبيات الثمينة
     
  3. برق ورعد

    برق ورعد عضو بارز

    إنضم إلينا في:
    ‏7 نوفمبر 2015
    المشاركات:
    103
    الإعجابات المتلقاة:
    1
    صح بدنك ودمتم بود اخوي
     

مشاركة هذه الصفحة